Khusravi Achi Lagi Na Sarwari Achi Lagi Naat e Rasool

خسروی اچھی لگی نہ سروری اچھی لگی

ہم فقیروں کو مدینے کی گلی اچھی لگی

دور تھے تو زندگی بے رنگ تھی بے کیف تھی

ان کے کوچے میں گئے تو زندگی اچھی لگی

ہم نہ جائیں گے کہیں بھی در نبی کا چھوڑ کر

ہم کو کوئے مصطفے کی چاکری اچھی لگی

ناز کرتو اے حلیمہ سرور کونین پر

گرلگی اچھی تو تیری جھونپڑی اچھی لگی

رکھ دیا سرکار کے قدموں پہ سلطانوں نے سر

گر لگی اچھی تو تیری چاکری اچھی لگی

آج محفل میں نیازی نعت جو میں نے پڑھی

عاشقان مصطفے کو وہ بڑی اچھی لگی

خسروی اچھی لگی نہ سروری اچھی لگی

ہم فقیروں کو مدینے کی گلی اچھی لگی

Khusravi Achi Lagi Na Sarwari Achi Lagi Naat e Rasool