سب سے اولی اعلی ہمارانبی ﷺ
سب س بالا و والا ہمارا نبی ﷺ
اپنے مولا کا پیارا ہمارا نبی ﷺ
دونوں عالم کا دولہا ہمارا نبی ﷺ
بجھ گئیں جس کے آگے سب ہی مشعلیں
شمع وہ لے کر آیا ہمارا نبی ﷺ
ملک کونین میں انبیاء تاجدار
تاجداروں کا آقا ہمارا نبی ﷺ
خلق سے اولیا اولیا سے رسل
اور رسولوں سے اعلی ہمارا نبی ﷺ
جیسے سب کا خدا ایک ہے ویسے ہی
ان کا اُن کا تمھارا ہمارا نبی ﷺ
کون دیتا ہے دینے کو منہ چاہیے
دینے والا ہے سچا ہمارا نبی ﷺ
