Darood Sharif Kay Fazail or Barkat

حضرت انس رضی اللہ عنہ سے روایت ہے کہ حضور ﷺ نے ارشاد فرمایا: جس نے مجھ پر ایک بار درود پاک پڑھا اللہ تعالیٰ اُس پر دس رحمتیں بھیجتا ہے، اُس کے دس گناہ معاف کر دیتا ہے اور اُس کے دس درجات بلند کر دیتا ہے۔

حضرت ابن مسعود رضی اللہ عنہ سے روایت ہے کہ حضور ﷺ نے ارشاد فرمایا: قیامت کے روز وہ شخص میرے سب سے زیادہ قریب ہوگا جس نے مجھ پر کثرت سے درود پاک پڑھا ہوگا۔

حضرت ابو ہریرہ رضی اللہ عنہ سے روایت ہے کہ حضور ﷺ نے ارشاد فرمایا: جو شخص مجھ پر ایک مرتبہ درود پاک بھیجے گا اللہ عزوجل اُس پر دس مرتبہ رحمت نازل فرمائے گا۔

حضرت عبداللہ بن مسعود رضی اللہ عنہ سے روایت ہے کہ ایک مرتبہ نماز پڑھی جبکہ رسول اکرم ﷺ بھی موجود تھے۔ حضرت ابو بکر صدیق رضی اللہ عنہ اور حضرت عمر فاروق رضی اللہ عنہ بھی تشریف فرما تھے۔ جب نماز پڑھنے کے بعد بیٹھا تو اللہ تعالیٰ کی حمد و ثناء کی، پھر حضور اکرم ﷺ پر درود بھیجا اور پھر اپنے لیے دعا کی۔ نبی کریم ﷺ نے یہ دیکھ کر فرمایا کہ جو مانگو گے دیا جائے گا۔

حضور ﷺ نے ارشاد فرمایا: قیامت کے روز مجھ سے سب سے زیادہ قریب وہ شخص ہوگا جو مجھ پر سب سے زیادہ درود بھیجے۔

حضرت انس رضی اللہ عنہ سے روایت ہے کہ حضور ﷺ نے ارشاد فرمایا: جس نے دن بھر میں مجھ پر ہزار بار درود پاک پڑھا وہ مرے گا نہیں جب تک کہ وہ جنت میں اپنی آرام گاہ نہ دیکھ لے گا۔